Que me queres, Amor?

Comentario de Martín Villar Gil


Que me queres,amor?
Manuel Rivas
Galaxia

Escollín o libro de Manuel Rivas, porque me dixeron que escollera ese como o primeiro, non por decisión propia; e a verdade, o libro é tan entretido que o tempo pasóuseme voando. Persoalmente, a min non me gusta moito ler; pero teño que dicir que cando acabei o primeiro relato quedei bastante enganchado. Usa unha linguaxe moi fácil de entender con palabras da vida cotiá, e as súas historias poderían ser, sen dúbida ningunha, casos reais, aínda que algúns finais son algo inesperados, como por exemplo, o do relato que fala sobre os guionistas que son ex-amantes, no cal se tivera desenlace para min sería máis interesante. Deste libro non me gustaron todos os relatos, hai algúns que simplemente non lles vexo moito sentido, como é o caso do relato titulado "Carmiña" que por moitas veces que cavilo no final, non o logro comprender, podería dicir que ese foi o que menos me gustou. Non entendo moi ben o porqué este libro leva o nome dun dos relatos que menos me gustou; para min o relato máis entretido, con gran diferenza, foi o relato titulado "A lingua das bolboretas", para min é o que conta coa mellor historia dos dezaseis relatos, e dános unha idea de como eran tratados os republicanos cando comezou a guerra civil no 1936. En xeral, o libro recomendaríallo a calquera persoa que se aburra ao ler un libro cunha historia fixa, e a calquera persoa que lle guste ler, xa que neste libro se unha historia é aburrida tes a opción de pasar á seguinte. Definitivamente, rematei este libro e quedei bastante ledo de rematalo, xa que me deu ganas de comezar a ler o seguinte.