O heroe

Comentario de Alberto Fariña


O heroe
Manuel Rivas
Xerais

O heroe é a primeira obra de teatro de Manuel Rivas que lin aínda que non o  primeiro libro que leo de Manuel Rivas, e  tamén espero que non sexa o ultimo, xa que todos me encantan. Pero este namoroume máis que ningún, non sei se serán os personaxes, a historia, ou como está escrito, pero sinxelamente engaioloume. Unha das cousas que máis me encanta do libro é o xogo que fai co tempo, como na primeira escena na que fala de algo que xa pasou, e logo na segunda escena representa iso do que falou na primeira, este recurso encántame. Outra cousa que me encanta son os personaxes, a forma de ser, a personalidade, e os seus nomes, Caronte, Sigrás, O´Oblicuo, Medias Vermellas… Creo que non teño nada malo que dicir do libro. Outra cousa que fai que o libro me guste un pouco máis é o momento no que se encontra a historia, unha época situada entre o franquismo e o mundo actual, do xa teño lido moitas veces. E para acabar, non podo evitar recomendalo a todos, xa que é un gran libro, dos mellores que teño lido, e aínda que sexa teatro, o teatro non morde!