A esmorga

Comentario de Fátima Bouzada

A esmorga
Eduardo Blanco Amor
Galaxia

A primeira lectura deste libro fixéraa cando tiña 13 anos, é dicir hai 3 anos aproximadamente. A primeira vez que o lera non o entendín na súa totalidade, pero houbo certos detalles que non vira. Cando es máis pequeno non te fixas en certos detalles porque non os ves ou simplemente non lle prestas atención. Coa segunda lectura, coma xa sabes o tema, prestas máis atención a outras cousas que se cadra antes pasaras por alto ou non quedaran de todo claras.

O tema do libro é unha esmorga, unha festa duns cantos amigos que trancorre ao longo dunha noite e que dá para facer moitas toleadas. Os homes están borrachos polo que métense con persoas e fan moitas falcatruadas.

Unha cousa que me chamou moito a atención foi que a historia pasa nunha soa noite, e moitas veces no libro perdíame pensando en que xa amencera e as cousas pasaban noutro día distinto.

Gustoume moito o libro, porque me parece unha lectura distinta ás outras, con temas distintos e con matices que che permiten disfrutar moito mellor a obra.