ESTA É A PÁXINA EXCLUSIVA DAQUEL ALUMNADO QUE QUERE COMENTAR, OPINAR E REFLEXIONAR SOBRE AS SÚAS LECTURAS.
UN RECUNCHO FEITO POR E PARA EL.

02/02/09

Os ollos de K

Comentario de Susana Cumbraos

Os ollos de K
Riveiro Coello
Galaxia


Pensei que non existía ninguén que xogaba tan ben co misterio coma Carlos Ruiz Zafón pero xa me quedou ben claro que me confundín, e que Antón Riveiro Coello se algo sabe plasmar iso é o misterio sobre o papel.
É incrible como trazou esta novela. Magnífica. Espléndida.
Encantoume! Había tempo que non tiña esta sensación ao rematar un libro... Esta sensación de necesitar contarlle ao mundo enteiro todo o que me transmitía e os porqués desta transmisión, e, porén, agora que pretendo facelo non son quen, non me saen as palabras precisas. Por máis que busco as palabras axeitadas, aquelas que identifiquen o que sinto, non as logro atopar.
Esta novela non só é un puñado de frases que contan a vida dun escritor senón que vai moito máis alá diso. Transporta os límites da literatura e é quen de converter a escrita dunha novela nunha propia aventura da escrita.
O máis fascinante de todo isto é que vou poder coñecer ao autor en persoa!!!

Sen comentarios