Cráter

Comentario de Antía Buján


Cráter
Olga Novo
Toxosoutos

 “Importa a intelixencia fértil. Importa a delicadeza doce. Importa a liberdade radical. O soño e a súa realidade. Importa a feliz idade.”

Fermosas frases percorren este poemario ao comezo de cada capítulo, sen dúbida unha forma de achegar ao lector unha pausa para os seus pensamentos, máis alá da poesía.  Ó igual que “Nós nus” e “A cousa vermella”, Olga Novo crea mediante os seus poemas un espazo erótico, sensual, da vida cotiá. Con cada libro que leo de Olga Novo dáme a sensación de que descubro un novo segredo, unha parte dela que non coñecía.

Para min o título de este libro intenta saírse do convencional e suscitar no lector sentimentos de liberdade; ao igual que na Cousa vermella é mais íntimo e en Nós nus os sentimentos reflíctense entre dúas persoas, neste libro os sentimentos son máis amplos e máis diversos, dirixidos a distintos temas sen esquecer a poesía erótica.

Un dos meus poemas favoritos deste poemario é "Vesubio":

“Se entro en erupción

ninguén está a salvo

Desde neniña sei

que estou feita

de lava prófuga.

                                        

A miña columna de fume

Ascende vértebra por vértebra

Á estratosfera.

Abrázote.

Abrásote.”

Este é un dos fermosos poemas que esconden os libros de Olga Novo, recoméndollo a todos aqueles que busquen algo fóra do común, algo distinto que mostre sentimentos máis alá do visual, máis ala das críticas e dos tabús.