As estelas dos ronseis

18/12/12

Cochos

Comentario de Ana Castro

Cochos
Vidal Bolaño
Sotelo Balnco

Tras rematar de ler este libro teño que dicir que foi un tanto estraño para min xa que a estrutura que plantexa é diferente á dos libros que lemos anteriormente. Ademais podíase apreciar que en pequenos anacos, a historia estaba contada noutros idiomas como por exemplo o castelán e o alemán.

Porén, intenta explicar os feitos dende diversos puntos de vista, é dicir, que sempre lle vai engadindo a aparición dunha serie de personaxes que pouco a pouco aportan novos datos ou incluso crean novas intrigas.

Persoalmente, este libro non é dos que mais me gustou pero creo que ten moito mérito ser capaz de crear un libro así de complexo xa que ao principio atópaste como perdida, pero a medida que segues lendo todo trascorre con máis rapidez e facilidade da que te poidas imaxinar.

A esmorga

Comentario de Ana Catro

A esmorga
Vicente Risco
Galaxia

Este libro tívome en vilo ata o último momento. Todo comeza cando os tres esmorgantes deciden ir un día de festa. Un día para moitos moi longo pero para eles curto xa que fan unha gran cantidade de cousas.

A acción non decae en ningún momento da historia e os personaxes están en continuo movemento polos distintos escenarios da novela. Unha novela que ten fins didácticos e que para min é un dos libros que máis me gustou, un deses, que a pesar de que o leas cen veces sempre che fará a mesma ilusión como aquel día no que sentiches que todas aquelas palabras formaban unha perfecta historia.

Eu recoméndolle este libro a todas aquelas persoas que aínda non sabían da súa existencia porque, a pesar de ser un clásico, ten matices que fan que semelle actual.

Cochos

Comentario de Esperanza Rodríguez Caramés

Cochos
Vidal Bolaño
Sotelo Balnco

Certamente este é o libro máis peculiar que lin, e non pola demanda que fai nin o tema principal, senón polas circunstancias do protagonista e a situación que se dá.

Miña parte preferida?, pois cando Sebas lles conta que non entregaba a porca porque ela mesma lle dixera que non quería morrer en Alemaña, senón que prefería ser degollada. Gústame esta parte pois porque, nese momento, imaxineime a situación e non puiden evitar rirme ao ver na miña cabeza á porca gruñindo no momento oportuno e as caras do cónsul e o seu compañeiro ante esta situación. O protagonista pareceume, non sei, un bo tipo cunha opinión que defender. Iso si, estaba un tanto tolo pero supoño que sería por mor do tempo sen durmir. A parte final gustoume pois non deu o brazo a torcer e ese acto de valentía e rebeldía pareceume un bo final! E ademais outra cousa que me gustou do libro, é que retrataba tal cal a maneira de falar das personaxes sen censuras.

Este libro fixo que no prólogo do principio me perdera e en fin non entendía nada. Porén ao lelo mais adiante e xa cando o comprendín, provocoume moitos momentos de risa. A min gustoume e pasei un bo rato lendo!

Cochos

Comentario de María Rey Villar

Cochos
Vidal Bolaño
Sotelo Balnco

En realidade non entendín moito, só vin o sufrimento daqueles que emigran buscando unha vida mellor para a súa familia, e encóntranse que a vida é mais dura se cabe e a fustración que iso conleva.

Non entendín moi ben se o da Porca é unha metáfora ou simplemente quería dicir o que se entende a simple vista, pero sexa como sexa, apréciase a teima de 'antes morto que vencido'.

Non podo dicir se me gustou ou non, xa que non sei a interpretación que lle debería de haber dado, pero creo que nos intenta amosar unha historia chea de emocións que espero poder chegar a captar ao relelo.