Cartas de inverno

Comentario de Ernesto Fraguas Corbal

Cartas de inverno
Agustín FErnández Paz
Xerais

Un libro precioso. Cóntanos como a dous grandes amigos chamados Xabier e Hadrián lles acontecen unha serie de sucesos na nova casa que mercou Hadrián en Galiza.

O libro estivo moi ben, sempre gardando misteriosos misterios. Sen dúbida, un dos mellores libros que lin na vida, sinceramente incrible.

Mil cousas poden pasar

Comentario de Roberto Pérez


Mil cousas poden pasar
Jocobo FErnández Serrano
Xerais

A min gustoume o libro porque ten moita imaxinación, xa que existen sereas, tritón e ríos que teñen vida. Os soldados deixan a guerra para tocar instrumentos e facer boa música. E tamén hai un gran amor entre Lina e Pouco, xa que Lina non comeu nin bebeu e só estivo a seguir o camiño que levaba ao mar.

Finalmente este libro nos ensina que con un só acontecemento poden ocorrer varios máis.

Tardes con Margueritte

Comentario de Ana Ferreira Soto

Tardes con Margueritte
Marie-Sabine Roger
Galaxia

Pareceume un libro estupendo. Fala do bonito que é e que a idade non importa para ter unha boa amizade e tamén fala sobre a importancia da lectura, de ler e de escribir.

Un libro precioso.

Silencio no corazón

Comentario de Cristina García Cortizo

Silencio no corazón
Jaume Cela
Galaxia

É un libro precioso, gustoume moito. Nel represéntase todo o que pasaba nas vilas durante a Guerra Civil, pero non chegaban ata alí, escoitaban na radio todas as traxedias que sucedían nas grandes cidades. Este libro ademais de falar da guerra tamén conta sobre a amizade entre dous grandes amigos,o amor, o desamor e o peor de todo, a morte dos seres queridos, do exilido de moita xente cara a outros países. Eu alégrome non haber vivido eses anos sanguinarios, cruentos e con moitas mortes. Neste mundo hai xente ruín e desprezable que sería capaz de matar a cambio de poder e de riqueza. O máis importante da vida non é o diñeiro nino poder, é o amor da túa familia e dos teus amigos.

Mil cousas poden pasar

Comentario de Lucía González Bouzas

Mil cousas poden pasar
Jacobo Fernández Serrano
Xerais

Este libro pareceume moi bo e gustoume, porque aínda que está pensado para rapaces máis pequenos creo que é moi entretido. Recordoume a outros libros que lera cando era máis pequena polas súas ilustracións que fan comprendelo moi ben. A parte que máis me gustou do libro foi cando Propicio se converteu no novo enterrador e decidiu desenterrar todos os mortos e arranxar o cemiterio coma un parque. Tamén me gustaron moito os ditos do parente do gato Kandás. O que me deron a entender os personaxes de Lina e Pouco é que cando loitas por algo que queres acabas conseguíndoo, pero non sen esforzo. Igual ca Hedión entendeu que o verdadeiramente importante era o seu fillo e non a tuba nin o cemiterio.

As lágrimas de Shiva

Comentario de Cristina Núñez Sanmartín

As lágrimas de Shiva
César Mallorquí
Rodeira

Este libro gustoume moito porque mantivo o misterio que eu non atopei noutros libros e tamén porque transmite á vez moitos sentimentos.

Eu recoméndoo porque é moi entretido. O que máis me gustou foi o feito de saber manter ese misterio do que falei ao comezo con incisos de humor e de amor.

Trece anos de Branca

Comentario de Yéssica Cortizo Sanmartín

Trece anos de Branca
Agustín Fernández Paz
Xerais

Gustoume moitísimo, é unha das poucas novelas que lin que me chamou a atención. Había partes que me lembraban a miña infancia e déronme ganas de pórme a mirar os meus álbums de pequena, para recordar vellos tempos.

Pareceume moi interesante pero pensei que ía rematar doutro xeito, sorprendeume.

As lágrimas de Shiva

Comentario de Noelia López


As lágrimas de Shiva
César Mallorquí
Rodeira

 

Este libro gustoume porque é bastante entretido e engancha rapidamente porque continuamente están ocorrendo historias novas que intrigan ao lector. Ás veces pareceume algo aburrido pero inda así gustoume moito.

Aprendín que non se pode xulgar a unha persoa se non tes información suficiente para facelo.

Mil cousas poden pasar

Comentario de Tania López

Mil cousas poden pasar
Jacobo Fernández Serrano
Xerais


Un libro do meu agrado, fácil de ler e de comprender, que convida a ler a segunda parte.

Este libro reflicte todo o que facemos os humanos por amor, tamén fala da morte, que provoca sentimentos moi diferentes, e tamén fala da amizade. A morte é tristura e o amor é ledicia

Servicio de urxencias

Comentario de Andrea Raíndo Míguez

Servicio de urxencias
Suso de Toro
Xerais

O libro é unha especie de minicomedias nas que a través de distintos personaxes se reflicten unhas anécdotas que nos fan rir de forma continua polo disparatadas que son.

Os pacientes que acoden ao servicio de urxencias parecen tolos que son atendidos por uns sanitarios aínda máis tolos, provocando o riso cos seus diálogos cheos de xogos de palabras con dobre sentido.