O diario violeto de Carlota

Comentario de Cristina Núñez Sanmartín

O diario violeto de Carlota
Gemma Lienas
Galaxia

A min este libro pareceume bastante aburrido, sempre contando o mesmo, que si, que hai machismo, sabémolo, pero cansa que cho repitan continuamente.

O que si me gustaron foron as historias das rapazas. Eran moi, moi tristes, pero eran interesantes, así que iso foi o que máis me gustou, porque nos permite coñecer mellor outras culturas. A historia de Marcelo e Carlota tamén me interesou moito.

Así que, polo xeral, pareceume un libro aburrio pero houbo incisos divertidos e entretidos.

Servicio de urxencias

Comentario de Noelia López Antelo

Servicio de urxencias
Suso de Toro
Xerais

A verdade é que este libro gustoume moito porque é gracioso e entretido; fíxome rir bastante e iso é algo que anima a seguir lendo outro e outro capítulo ata rematalo. É a primeira vez que leo teatro e gustoume moito, pareceume tamén unha crítica do que pasa hoxe en día nos hospitais.

Servicio de urxencias

Comentario de Almudena Otero

Servicio de urxencias
Suso de Toro
Xerais

A verdade é que me gustou especialmente porque fai moita graza: din que son pacíficos pero en realidade demostran todo o contrario.

Gústame o teatro, así imaxino as escenas, e... quedoume moi chula!!!

Antes había unha serie deste libro, pero non se parece moito, a min gústame máis o libro porque ler é máis entretido.

Herba moura

Comentario de Andrea Morgade Pichel


Herba moura
Teresa Moure
Xerais

Converteuse para min nun deses libros de cabeceira que gardas con agarimo por deixar en ti unha profunda pegada.
É unha novela suxerente, filosófica, sensitiva, máxica e fóra do común onde podemos apreciar o devir das mulleres na historia e os seus sabores da vida tan pouco valorados ao longo desta. Isto unido ao seu bo argumento que engancha de principio a fin fan dela unha lectura completamente recomendable.

Amor dos quince anos, Marilyn

Comentario de Cristina Núñez Sanmartín


Amor dos quince anos, Marilyn
Agustín Fernández Paz
Xerais

Como son relatos curtos hai uns que me gustan máis ca outros. O primeiro gustoume porque é moi gracioso e fíxome rir, algo que se agradece nas lecturas, sempre tan tristeiras. O segundo é un dos meus preferidos, porque me transmitía o amor que sentían un polo outro e como a súa relación non puido nin poderá saír adiante e a pena que iso lles produce. "Malos tempos para as pantasmas" non me gustou, pero menos me gustou "Un templo para gatos", que non me transmitiu absolutamente nada. Porén, "Un sono que adelgaza" encántame, é o que máis me gusta de todos e iso que ao principio parecía de medo e pensei que non me ía gustar... aínda que ese final, para min, estrágao.

Makinaria

Comentario de Lucía González Bouzas

Makinaria
Carlos Negro
Xerais

Este libro gustoume porque pareceume que expresa moi ben mediante a poesía o resultado de beber alcol e coller o coche. A rima e o vocabulario dos poema é moi orixinal e transmiten moi ben o que sente a persoa que colle o coche ou a moto e a familia cando se enteran do accidente.
É un libro moi realista xa que os adolescentes buscan ese subidón de adrenalina, sen lles importar nada e ás veces non fai falla o efecto do alcol nin das drogas para que pisen o acelerador e acaben en calquera sitio.
O poema que máis me gustou foi "Autopsia" porque con poucas palabras di moi ben o que adoita suceder.
A verdade é que lin moi poucos libros de poesía, por iso non podo comparar este con ningún outro, pero considero que é un acerto a súa lectura.

Makinaria

Comentario de Ana Ferreira

Makinaria
Carlos Negro
Xerais

Este libro non me gustaba cando o terminei, porque non me transmitía nada na súa poesía. Cando empezamos a explicalo na clase comecei a entendelo e é un libro precioso. Fala de todas as cousas que se poden chegar a facer na adolescencia aínda que che digan que non, e os que te queren están sufrindo.
O poema que máis me gustou foi o de "Power Racing" porque fala do amor como algo importante.

Makinaria

Comentario de Tania López Varela

Makinaria
Carlos Negro
Xerais

Este libro gustoume moito, relata a realidade, o que pasa nas estradas a maioría das noites nas que os rapaces e rapazas adolescentes saen de festa, que collen o coche bebidos e nese momento vénse aproximando a morte, e todo por facerse os interesantes diante dos amigos.
A familia queda pendente de se chegan ou non á casa, e normalmente reciben unha mala noticia.
Neste libro a poesía relata moi ben e con pouco contido o que quere transmitir o autor, cóntao con moito sentimento.
Gustaríame que moita xente e sobre todo os adolescentes tomasen exemplo e lesen este libro para ver se así toman máis precaucións ao volante.
O poema que máis me gustou foi o de "Mamá Carme" porque a familia sofre moito cando alguén da súa contorna sofre un accidente, sobre todo as nais polos seus fillos.

Makinaria

Comentario de Cristina García Cortizo

Makinaria
Carlos Negro
Xerais

Este libro é un pouco raro, pero é moi rápido de ler, fala das loucuras qeu pode facer unha persoa e despois cando é demasiado tarde danse de conta que non se pode pasar o límite nin da bebida nin da droga... A xente advirte sobre este tipo de comportamentos pero hai que non fai caso e pasa de todo. Despois, a morte non ten solución e só quedan lamentos e choros.

Makinaria

Comentario de Almudena Otero Bello

Makinaria
Carlos Negro
Xerais

Este libro gustoume moítisimo porque fala de moitos accidentes de tráfico, de drogas e da morte á que todo iso conduce.
O poema que máis me gustou foi "Mamá Carme" porque me recorda a unha amiga que morreu nun accidente e despois cando os policías preguntaron onde era a casa para anunciar a morte da filla nun accidente ás 6 da madrugada... foi terrible.