Unha rosa é unha rosa

Comentario de José Castro Rozas

Unha rosa é unha rosa
Suso de Toro
Xerais

 

 

Na miña opinión,  o libro “Unha rosa é unha rosa” de Suso de Toro é unha obra teatral moi entretida á par que divertida, mais o teatro non é o tipo de literatura que máis me agrada, todo o contrario. Non me atraen este tipo de lecturas xa que manteño preferencia polos xéneros nos cales a lectura se realiza dun xeito máis continuado, como pode ser nunha novela,  na cal non é necesario ler en que momento debe falar cada personaxe dado que se ve claramente a acción que realiza cadaquén sen ter que representalo dun xeito tan literal.

            Por outra parte, dicir que con esta creación leveime varias sorpresas a medida que avanzaba unha páxina tras outra, en primeiro lugar esperábame unha típica historia tan  romántica como irreal, nas cales se fan crer en amores imposibles;  en segundo lugar non me esperaba un traballo tan próximo á realidade, xa que, aínda que pareza un simple conto, hai moita xente sen conciencia capaz de todo cando se deixan levar pola súa ambición, como se mostra na historia.