Despois da entrega de Os libros arden
mal, o escritor coruñés Manuel Rivas dá a coñecer a súa peza teatral e
outra gran obra de arte, O heroe.
Trátase da figura imprevisible e audaz dun ex-lexionario e ex-boxeador que
loitou por Franco na secreta Guerra de Sidi Ifni, pero que ao regresar soamente
atopou morte e sombras que lle fixeron preguntarse se vale a pena sacrificarse
pola tiranía. Así, e tras atopar en Lucía unha verdadeira compañeira
sentimental, comeza a descubrir un mundo paralelo que xamais imaxinara: o da
dúbida, a palabra, o amor, o temor…
Custoume
moito entender esta obra. Quizais non foi moi acertado pola miña parte escoller
un libro tan complexo en canto á súa mensaxe. Aínda así, pareceume moi realista,
entretida, cargada de emoción e, sen dúbida, instrutiva. Grazas a ela aprendín
moitas cousas novas con respecto a como se vivía naqueles tempos, e a inxustiza
que había. Unha das personaxes que máis me gustou e que me pareceu máis
relevantes dentro da obra é “Medias Vermellas”. Parece rara, porque fala
unicamente con onomatopeas e de forma inconexa, pero o que narra é a verdade: a
traxedia, o álxido pensamento da sociedade e a morte oculta tras as palabras.
Quero encomendarlle este libro aos lectores con máis idade e experiencia,
pois non é fácil de entender nin interpretar, polo que á xente xove non lles
resultaría unha lectura satisfactoria.
Ningún comentario:
Publicar un comentario